ֆրանչիսկոս Քահանայապետը կը վաւերացնէ Աստուծոյ ծառայ` սպանացի քահանայ Փետրօ Ասուա Մէնտիայի երանացումը` քաղաքացիական պատերազմի նահատակ։

Սպանացի քահանայ Փետրօ Ասուա Մէնտիա (1890-1936) հաւատքին համար նահատակուեցաւ Սպանիայի քաղաքացիական պատերազմին ընթացքին (1936-1939) հանրապետական զինուորներու կողմէ։ Նշենք թէ անցեալ հոկտեմբեր 2013-ին, Սպանիայի Թառակոնէ քաղաքին մէջ, տեղի ունեցաւ աւելի քան 500 նահատակներու երանացումը Քրիստոսի սիրոյն համար նահատակուած ըլլալու համար։
ֆրանչիսկոս Քահանայապետը ճանչցաւ նաեւ 6 կրօնաւորներու եւ մէկ աշխարհական տկնոջ հերոսական առաքինութիւնները զանոնք բարձրացնելով ''Աստուծոյ ծառաներու եւ աղախիններու'' դասին։ Քանատացի կրօնաւորուհի Մարսէլ Մալէթ` հիմնադրուհի Քեպեքի եղբայրօգնութեան միաբանութեան։ Իտալացի քահանայ Ճուզեփփէ Ճիրէլլի (1886-1978), որ եղած է բանտարկեալներու հոգեւոր հայր։ Սպանացի քահանայ Զաքարիաս Սալդերայն Վիցքարրա (1887-1957), որ եղած է 20-րդ դարու Հնդկաստանի մեծագոյն առաքեալներէն մէկը։ Արբենթինցի կրօնաւորուհի Մարիա Պէնիթա Արիաս (1822-1894), Յիսուսի աղախիներու միաբանութեան հիմնադրուհի։Մալդացի կրօնաւորուհի Մարկէրիթ Տիւ Սաքրէ Քէօր Տէօ Ժէզիւ (1862-1952), հիմնադրուհի ֆրանչիսկեան իգական մէկ միաբանութեան։ Պրազիլցի կրօնաւորուհի Նոէմի Սէնք (1913-1988)։ Հուսկ իտալացի այրի տիկին Էլիզապեթթա Սաննամ (1788-1857)։